Одржана манифестацијата „Ноќ на истражувачи“

27.09.2010

Под мотото „Отворени за наука“ по трет пат во Македонија, а по втор пат во Битола,  се одржа манифестацијата „Ноќ на истражувачите“.

На  17  штандови на плоштадот Магнолија претставниците од Универзитетите во Македонија, од бизнис секторот и невладините организации презентираа дел од своите научни и истражувачки проекти и активности.

 „Ноќта на истражувачите“ има за цел да ги приближи науката и истражувањето до пошироката јавност, особено до младите и за та цел манифестацијата беше збогатена со забавна програма,а беа доделени и награди за најдобар есеј и фотографија на тема „Иднината и новите технологии“

 Настанот истовремено се  одвиваше во повеќе од 200 градови од 32 европски земји

Настанот „Ноќ на истражувачите“ е пан-Европска манифестација, поддржана од Европската Комисија којашто  од 2005 година секоја година традиционално се одржува во последниот петок од месец септември.

Во организацијата на настанот, освен Универзитетот „Св. Климент Охридски“-Битола во својство на координатор, учествуваат и: Агенцијата за електронски комуникации од Скопје, Меѓународниот одбор за размена на студенти од техничките науки- ИАЕСТЕ и Општината Битола.

Scroll to Top